«Դեմոկրատիան այսօր» ՀԿ-ն անցկացրեց եռօրյա Ժողովրդավարության դպրոց՝ ընտրական իրավունքների թեմայով:
Հանդիպման ընթացքում «Դեմոկրատիան այսօր» ՀԿ-ի նախագահ Գյուլնարա Շահինյանն ընդգծեց ընտրական իրավունքների կարևորությունը:
Տարածաշրջանային հետազոտությունների կենտրոնի տնօրեն Ռիչարդ Կիրակոսյանը խոսեց Հայաստանում և տարածաշրջանում ժողովրդավարության թեմայի շուրջ:
Ընտրական գործընթացում Մարդու իրավունքների պաշտպանի դերը ներկայացրեց Հայաստանի Մարդու իրավունքների պաշտպանի աշխատակազմի հետազոտական, փորձագիտական և կրթական կենտրոնի ղեկավարի տեղակալ Լիլիթ Վարագյանը: Նա քննարկեց ընտրական իրավունքների խախտումների կանխարգելման և հասցեագրման մեխանիզմները, ինչպես նաև Մարդու իրավունքների պաշտպանի գրասենյակի գործառույթները:
«Թրանսփարենսի Ինթերնեշնլ հակակոռուպցիոն կենտրոն» ՀԿ-ի ծրագրերի համակարգող Մերի Մինասյանը խոսեց ընտրությունների նկատմամբ հանրային վերահսկողության մեխանիզմների, դիտորդական առաքելությունների դերի և թափանցիկության ապահովման գործիքների մասին:
Հանդիպումն անցավ ակտիվ քննարկումների մթնոլորտում: Մասնակիցները հնարավորություն ունեցան հարցեր ուղղել բանախոսներին, կիսվել դիտարկումներով և խորացնել իրենց գիտելիքները ընտրական գործընթացների, մարդու իրավունքների պաշտպանության և հանրային վերահսկողության ոլորտներում:
Դասընթացին մասնակցում էին Արցախից տեղահանված կանայք և երիտասարդներ, ինչպես նաև մասնակիցներ Տավուշի, Սյունիքի և Լոռու մարզերից:
Ծրագիրն իրականացվում է Ժողովրդավարության ազգային հիմնադրամի (NED) աջակցությամբ:

Այս հրապարակումը հասանելի է նաև հետևյալ լեզվով՝